Therhlo leh thlemna hrang hrang lak atanga fihlim turin chah

14 Nov 2023: Nimin khan Excise & Narcotics Department Commissioner Pu Vanlalmalsawmdawngliana chuan Inspection neiin Lunglei Excise & Narcotics office a tlawh.

Lunglei-ah hian Asst. Commissioner Pu B.Ngurchhuana’n lo dawngsawngin, Commissioner Pu Vanlalmalsawmdawngliana chuan, an hna te chu Pathian-in a pek anih anga rinawm leh taima taka thawk tur leh an hna chu Pathian rawng an bawlna a ni tih hre chunga thawk turin staff te a chah a. Therhlo leh thlemna hrang hrang lak atanga fihlim turin staff kalkhawmte chu a chah bawk a ni.

Excise & Narcotics Commissioner hi Aizawl atangin Asst. Commissioner of Excise & Narcotics Pu Ngurthanzama Sailo leh Staff thenkhatten an tawiawm a ni.