Thubuai 74 ziahluh niin, mi 68 man an ni

04 Aug 2026: Lunglei Police-te chuan July thla liam ta chhung khan thubuai 14 ziaklutin thubuai kaihhnawihah hian mi 18 an man. Hei bakah hian Heroin Gram 249.57; tualchhung hralhna rate a Rs Nuai 49, Sing 9, Sang 1, 400 man hu, Rakzu litre 80; tualchhung hralhna rate a Rs Sing 3, Sang 9, 800 man hu an man bawk.

July thla liam ta vek khan Lunglei Traffic Police-te chuan lirthei khalhtu dan bawhchhia te atangin Rs Nuai 1, Sing 6, Sang 3 an chawi tir a. Lirthei khalhtu sum an chawi tirte hi HMV 21 atangin Rs Sing 4, 300. MMV 19 atangin Rs Sing 1, Sang 9. LMV 23 atangin Rs Sing 4, Sang 1. Three Wheeler 9 atangin Rs Sing 1, Sang 3 leh Two Wheeler 40 atangin Rs Sing 4, Sang 9, 500 chawi tir an ni.

Excise & Narcotics Department Lungleia thawktute pawhin July thla liamta chhung khan MLP Act ’19 hnuaiah thubuai 60 ziaklutin mi 50 an man. Hemi kaihhnawihah hian Rakzu litre 1153, Sap Zu um 17 leh Beer Can 20 an man bawk.