Siaha District Pump Owner chuan Hriattirna chhuahin, vawiin Dt. 02/07/2024 (Tuesday) zing dar 8:00 atangin tiam chin awm lovin Siaha District chhung a petrol pump te chuan kan Pump te kan khar dawn a ni tih mipuite kan inhriattir a ni, an ti.
Kan pump-te kan khar chhan hi Dt. 30/06/2024 (Sunday) tlai atang khan Siaha District ta tur Oil phur tanker-te chu Central YLA-te’n Lawngtlai khawdaiah kaltlang phal lova min hren beh sak tlat vang a ni, an ti a. Hemi chungchangah hian keini Siaha District chhung a petrol pump mai ni lovin Siaha mipuite min zahlohna niin kan ngai a, kan lungawilo tak zet a ni, an ti.
Sawrkar lam hotuten theihtawpa hma min laksak chung pawhin kan District chanvo tur Oil tanker-te chu min la hren beh sak tlat avangin Oil tanker-te an release kim hma chu keini Siaha District chhunga Petrol pump-te chuan kan lungawilohzia lantir nan tiam chin awm lovin kan inkhar rih dawn tiin, Mipuite hriatthiamna an ngen tih an sawi a ni.
