TKP dincham vawi 75-na pualin hun hmang

30 July 2026: Vawiin hi Mizoram Baptist Kohhran hnuaia Fellowship Department lian ber, Thalai Kristian Pawl (TKP) dincham vawi 75-na Platinum Jubilee anih angin TKP Unit hrang hrangte’n hemi pual hian hun an hmang.

TKP Platinum Jubilee pual hian TKP Unit tam ber chuan zingkarah Biakin leh a chhehvel bakah khawlai dung tihfai hnatlang an thawk a, chhun lamah hun hmang awm bawk mahse Unit tam zawk chuan vawiin tlai lam atang khan hun hmangin; Unit tam ber chuan Platinum Jubilee lawmna ruai an buatsaih.

Vawiin vek khan BCM Hqrs Office bula TKP Platinum Jubilee hriatrengna lungphun hawnna hun hman ni bawkin, Rev.Vanlalmuankima AGS (Service) chuan lungphun hi a hawng.

Zanin hian TKP Unit tinah Jubilee puala inkhawm buatsaih a ni anga, thupui “I ram lo thleng rawh se” Mathaia 6:10 hmangin thuchah ngaithlak a ni ang.

TKP hi kum 1951 July ni 30 khan Serkawnah din niin, tun dinhmunah BCM Pastor bial 95-ah Unit 453 awmin; member 52,667 an awm mek a ni.