07 Dec 2023: A vawikhatna atan Lunglei Town VDP Co-ordination Committee chu S.P. Conference Hall-ah vawiin chawhma dar 11:00 khan din a ni a, hruaitu thlanna neih nghal a ni.

Lunglei Town VDP Co-ordintion Committee dinna puala hun hman hi Pi Zomuanpuii, SDPO, Lunglei chuan kaihruaiin, he hun hmanpuitu Lunglei S.P Pu Rahool Alwal chuan Lunglei Town VDP Co-ordination Committee din a ni chu lawmawm a tih thu sawiin, dan hnuaiah fimkhur leh huaisen taka hnathawk tura fuihin thahnemngaihna avanga dan piah lama chet erawh chinglo tur leh Police leh tlawmngai pawl dangte nena thawkho turin a ngen a ni.

Vawiina Lunglei Town VDP Co-ordination dinnaah hian kum 2023 atanga 2024 hruaitu thlanna MJA Lunglei kaihhruaina hnuaiah neih nghal niin heng mite hi thlan an ni.

President- K.Zohmingliana (Lunglawn)

Vice President- Zohluta Chhangte (Venglai)

 Secretary- A. Lalchhuanawma (Chanmari)

Asst. Secretary- Lalduhzuala Sailo (Electric Veng)

Treasurer- T. Lalhmunmawia  (College Veng)

Fin. Secretary- F.Lalduhawma (Theiriat).