18 March 2024: Mizoram sumdawng pawl – Mizoram Merchant Association (MIMA) chuan Pi V. Lalhmingthangi thih chungchangah Home Minister Pu K. Sapdanga leh Mizoram Polite te hmalakna chu lawmawm an tih thu an sawi.
MIMA chuan vawiin khan thuchhuah siamin, an sumdawngpui Pi V. Lalhmingthangi (52) ama eizawnna New Market-a rawng taka thah a ni chu pawi an ti takzet a, an thinlung a na hle tih an tarlang a ni.
Hetih rual hian Pi V Lalhmingthangi thattu nia rin leh ni ngeia ngaih rang taka man chhuah a ni chu MIMA chuan lawmawm an ti hle a, Pi V. Lalhmingthangi thattu hi a phu tawk hremna a na thei ang bera pe turin Sorkar an phut bawk a ni.
He tualthihna a rang taka hma lak nghal a ni te, kar lova pawi khawitu man chhuahna kawngah Home Minister Pu K. Sapdanga leh Mizoram Police te an chhuanawm an tiin an chhuang takzet tih an sawi a; Mizo mipui tan a thlamuanthlak an tih thu an sawi bawk. (AIR)
