Lunglei khawpuia tui lama harsatna chuan zual lam a pan zel a, mipuite innghahna ber PHE Department chuan darkar 24 chhungin darkar 10 vel chauh te tui Pump tur a nei tawh a, hetiang anih avang hian tui an sem chak thei lo va chhungkaw tam tak chuan March thla chawhma lama PHE tui sem an dawn hnuah tun thleng hian tui an la dawng lo a ni.
Tui harsatna a zual zel avang hian Motora tui chawi hnen atanga tui lei duh tan pawh nithum vel tal ngah a ngai tawh a, veng hrang hranga tuikhurte chu nileng zankhuain tuikang nghakte’n an luahlum renga, chhungkaw tam ber chuan tuikang ngah chu hna berah an nei tawh. Tuikang nghak hman ve lo; ni tina inhlawhfa leh Workshop-a thawkho phei chu nasa takin an buai tawh a ni.
