Tui litre maktaduai 24 khuah tlinna tur hnathawh mekah 60% vel zo tawh

29 Jan 2026: PHED Chief Engineer Zone – II, Er.Lalropuia chuan tukin khan Pialthlenga PHE Department hmalak mekna a tlawh.

PHED, C.E, Er.Lalropuia hian Lunglei chawmtu tui tam zawk litre maktaduai 24 khuah tlinna tur hnathawh mek a tlawh a, hna hi zaa sawmruk vel thawh tawh niin kumin March thla chhunga zawh hman tum a ni. C.E hian hnathawh mek chu tha tawk viaua a hriat thu leh hnathawh kal zel tura tha leh zuala thawh anih theih dan turte hnathawh viltu PHED Lungleia hotute nen an sawiho a, Lunglei mipuite tuia harsatna an neih lohna turin helai hnathawh hi a pawimawh hle tih hre renga Department lam hotute leh Contractor lam pawhin thahnem ngai tak leh belhchian tlaka hnathawh a tul bakah, zawh hun tura zo ngei tura tan la turin a ngen a ni.

Rs Vbch 4 chuang senna tur Pialthlenga tuikhuah hnathawh mek hi zawh fel anih hun chuan thal khawro lai pawhin tui tling khawl hian thla hnih chuang tui pump tur a daih dawn tih PHED Lunglei hotute chuan C.E hi an hrilh a. C.E hian tuikhuah a bawlhhlawh leh chirhdiak paihna tur Ar Kawngkhar tha tak siam thuai a pawimawh thu Contractor leh Department hotute hi a hrilh a ni. C.E,

Er.Lalropuia hian Tui thlitfim dahkhawlna tur SASCI atanga Rs Vbch 1 chuang senna tur Tanky siam mek leh helai hmuna Department hmalakna hrang hrang bakah Pialthleng atanga tui Pump-na tur Pipe line thar phum hna thawh mekte, Engineering College Pukpui rama PHE hmalakna te a tlawh bawk.

Chief Engineer hi Er.Lalropuia Hmar, Director Project Unit Management, leh Er.Lalzawmliana S.E. Monitoring ten tawiawmin, S.E, PHED Lunglei Circle Er.Lalsanga leh a thawhpuite’n an lo dawngsawng a ni.