Tui pump thei rih lo; hriatthiamna ngen

21 Sept 2026: PHED Lunglei chuan Pump khawl thara lut tur tui Pipe lian chu tuna tui an pump-na Pipe lian an vuahna Tanky-ah vuah luh ve angaih avangin khaw that lai chuhin, vawiin atang khan tui awmna Tanky hi verh pawha Pump khawl tharah tui luhna tur Pipe lian dahluh hna an thawk tan.

Tanky verh pawh leh Pipe dahluh hi darkar 24 chhunga zawh theih beisei ni mahse Cement tha chi Quick Setting Cement hman tur a ni a, Pipe luhna Cement tha chi a char hi kar khat tal nghah ro angaih dawn avangin hemi chhung September ni 21 atanga ni 29 chhung tui pump a theih dawn loh avangin Lunglei mipuite hriatthiamna leh ruah tui a theih ang anga lo dahkhawl turin PHED Lungleia hotute chuan mipuite an lo ngen tawh a ni.

PHE, S.E, Lunglei Circle, Er.Lalsanga leh a thawhpuite chuan tunhnai khan MJA member-te Pialthleng tui Pump-na hmuna an hmalak dan enpuiin, SASCI sum Rs Vbch 55.7 senna tur Pump House thar tur sak mek chu zawh fel tep a nih dan leh Pump khawl thar fit an tum dante an enpui a, ruahman lawk ang chuan nakum 2027 February thla hian Pump khawl thar hi enchhin hman an tum thu an sawi.