08 Aug 2024: Vawiin chawhma dar 11:00 khan Lunglei Municipal Council Chairman leh a thawhpuite chuan Lunglei Press Club-ah thuthar thehdarhtute kawmin Parking fee chungchanga hmalak an tumna hrang hrangte an sawifiah.
July ni 22, 2024 a LMC Executive Council Meeting chuan August ni 8, 2024 atanga hman tan turin Lunglei khawpuia Parking fee rate siam tharin, Two Wheeler minute 2 thleng Parking Fee chawi a ngaih dawn loh laiin darkar chanve zelah Rs 5/- chawi tur niin, LMV leh a dangte Minute 2 thleng Parking Fee chawi ngailo bawkin; darkar chanve zelah Rs 10/- lak tur anih thu LMC hotute chuan an sawi.
Parking Fee chawilo tura tarlante chu kumkhat hnuah a tul anih chuan siamthat an tum ang tih LMC hotute chuan an sawi bawk.
Vawiina thuthar thehdarhtute an kawmnaah hian LMC Chairman Pu Lalzuithanga bakah Vice Chairman Pu K.Lalrinawma leh Chief Executive Officer Pu Dony Lalruatsanga te an tel a ni.
