Union Home Minister-in vawiina Mizoram tlawh a tum a thulh

05 Oct 2026 : Union Home Minister Pu Amit Shah chuan vawiina Mizoram tlawh a tum chu a thulh fel.

General Administration Department hnuai a Protocol & Hospitality Wing hotute hnen atanga thu dawn danin Pu Amit Shah hian Thawhtanni a Aizawl tlawh a tum hi a rawn sawn hla phawt a, a hnu-ah a thulh tak thu hi Home Minister pisa lamin an rawn hriattir leh a ni. He tiang a nih leh tak avang hian vawiina lirthei chet vel dan leh kawngpui chungchanga Aizawl bawrhsap leh Traffic SP te thupek lo chhuah tawh zawng zawng chu sut leh vek a ni. Thu dawn danin Mualpui Salem venga R. Dengthuama Hall-a inkhawm tura buatsaih leh Lengpui tumhmuna ruahmanna lo siam zawng zawng pawh sut leh vekin venhimna lam ruahmanna pawh sut leh vek a ni.

Union Home Minister hian tun hnai-ah hian Mizoram a rawn zin a tum hi vawi hnih a sawn hlat hnu-ah a thulh fel ta nge nge a. Official-te sawi dan chuan September ni 24 a lo zin a tum chu October ni 1-ah sawn hla-in October ni 5 a lo zin zawk turin ruahmanna siam leh a ni a. Mahse, October ni 5 a lo zin tura tih chu a rawn thulh fel ta a ni.

– AIRNewsAizawl