Nimin dt.19.09.2024 khan CID Crime hnuaia Special Narcotics PS leh BSF (FGT, SHQ), Aizawl tang kawpte chu Seling khaw daiah beihpui thlakin an che chhuak a. OP Filling Station bulah lirthei pakhat (Tata LPT B/R No AS-25/EC-1856) chu tidingin ngun taka lirthei dap anih hnuah Methamphetamine ni ngeia hriat, Kg 39.624 a rit, Rs 5,15,11,200/- man hu chu lirthei khalhtu MD Jahir Hussen (23) s/o MD Monai Mia, Mangalkhali, Jubarajnagar, Dharmanagar Urban, North Tripura District nia inchhal kut atangin an man.
Hemi chungchangah hian chhui chhunzawm leh dan anga hma lak chhunzawm zelna turin Special Narcotics PS Case No.38/24 dt 19.9.24 u/s 21(c)/25 ND&PS Act ziah luh nghal a ni.
