YMA Sub Hqrs hnuaia Road monitoring Comt-in kawng siam mek an endik

23 Jan 2026: Nimin khan Road Monitoring Committee, YMA Sub Headquarters, Lunglei chuan PMGSY hmanga kawng siam mek, Phairuangkai to Bolia, Bolia to Thenhlum kawng an en.

He kawng khawih mek hi March 2026-a zawh tur a ni chungin tun dinhmunah Phairuangkai to Bolia inkar 48.77km hi EL&TY, Pu PC Lalthantluanga Electric Veng Lunglei thawh a ni a, Agreement Amount hi Rs 56,32,95,518 a ni a, 34% hna zawh tawh a ni.

Bolia to Thenhlum hi 16.230km a ni a, Pu Lalfamkima Ramhlun North, Aizawl Contractor niin Agreement Amount hi Rs 12,90,92,921.62 a ni a, tun dinhmunah 27% zawh tawh a ni.

He kawng hi PWD Tlabung Division niin anni hian an enkawl a, hna zawh hun tura ruahmanah an zo dawnlo tih a chiang hle a, hnathawktute chak zawk leh tha zawka hnathawk turin an ngen a, harsatna an neihah YMA te chu ṭanpui thei turin an inpeih reng a ni tih an sawi.

Bolia to Thenhlum inkara Slab Culvert hnathawh mek Drawing anga hnathawh nilo, siamtha tura Deptt ten an lo tih tawh chu siamtha lova thawh zawh a ni a, YMA hruaitute chuan hei hi siamtha turin an hriattir nghal a ni.

He kawn ennaah hian Pu K.Vanlalhruaia Chairman Road Monitoring Committee ho in member 4 an thawkchhuak a, he kawngin a paltlang Lungsen Group YMA, Thorang Group YMA te bakah Branch hruaitute an tel a ni. PWD atangin SDO leh a thawhpuite leh Contractor-te’n an lo dawngsawng a ni.

YMA leh PWD te thawhhona thuthlung bawhzui hian tun term-a Road Monitoring Comtt, YMA Sub Hqrs hian an huamchhunga kawng siam mek hmun hrang hrang hi an tlawhchhuah deuh vek tawh thu Pu H.Lalhmingthanga, Secretary Road Monitoring Committee chuan a sawi a ni.