04 March 2025: National Highway 302 leh a kaihhnawiha hmalakna kal zelah YMA Sub Hqrs Lunglei hruaitute chuan NHIDCL a an General Manager (Mizoram changtu) chu Lunglawna an Office ah vawiin khan an hmu.
YMA Sub Hqrs Lunglei hruaitute chuan NH 302 chungchangah hian March ni 1.2025 khan YMA Sub Hqrs Lunglei ruahmanna in Lungsen-ah, NH 302-in a paltlang YMA Group leh Branch hrang hrangte nen NH 302 kawnglaih vil chungchangah Joint meeting an lo neih tawh thu te, meeting-ah hian harsatna leh hmalak ngai tul hrang hrangte sawiho a nih dan te NHIDCL hotute hnenah hian ziakin an thlen a ni.
YMA Sub Hqrs Lunglei hruaitute hian February thlaa an lo rel tawh angin hun remchang hmasa berah Vigilance Committee ten ATL road hnathawh mek tlawh leh an tum a ni.
