11 July 2025: Education Minister Dr Vanlalthlana’n zirtirtu posting siamrem apianga khawtlang anga hmalak a, dodalna a awm thin chu pawi a tih thu sawiin, midang puna sawrkar kar tir thinte lakah action lak a ni dawn tih a sawi.
He thu hi vawiina chanchinbumite a pisa-a a kawmnaah sawiin Education Minister chuan zirtirtu-te zingah insawn hreh avanga khawtlang emaw pawl thenkhat pun a, sorkar kar tir chiam an awm tih hriat a nih thu leh heng mite lakah hian na taka action lak ani dawn tih a sawi a, khawtlang leh pawl thenkhatte pawh an khaw sikul zirtirtu dinhmun leh sorkar hmalakna lo ngaichang leh zual turin a ngen a ni.
Education Minister chuan zirtirtu, SDEO leh DEO transfer order tihchhuah anih chungchangah an hmalakna chu thuneihna an chan tak avanga ti chiam an ni lo tih sawiin, zirna-in zirtirtu inkhairual loh avanga an tawrh nasat em avangin a kilkhawr bera awmte nat ruala na ve an nih avangin inkhairual dan tur ngaihtuahin siamrem mek a nih thu leh zirnaina zirtirtu indaih lohna chu zawi zawia a reh thuai a beisei tih a sawi a ni. (AIR)
