Zirtirtute zingah marksheet leh certificate nei felfai lo an awm thu report

12 Feb 2026 : Vawiin khan School Education Minister Dr Vanlalthlana hovin School Education Department Officer ten Review Meeting vawi 7-na MINECO Secretariat Conference Hall-ah neih a ni.

Minister chuan, Class V & VIII ten tun promotion exam atang hian zawhna in ang an chhan dawn thu te leh School 770 ah he zawhna thar hi an exam dawn thu te leh result hi SCERT-ah lakkhawm anih tur thu te sawi.

He Meeting-ah hian School Education Minister chuan school a thawkten Vidya Samiksha Kendra (VSK) a attendance pek that a ngaih thu a sawi a, online-ah hnathawh hi hmuh theihin awm se, a duh apiangin an lo hmu thei dawn a, hnathawh tha lo a veng dawn a ni a ti. Minister chuan Google map update lote chu an grant dawn turte hmundanga pek leh mai thlenga hmalak a tul thu a sawi.

Minister hova Meeting-ah hian Zirtirtute zingah marksheet leh certificate nei felfai lo an awm thu report a ni a, hengte hi chhui zuia a tul anga action lak tura sawi a ni

Meeting-ah hian Zirlaibu thar buatsaih a nih dan te leh zirlaibu thar chu tuna hman lai nen a danglam dawn thu te tarlan a ni a, naupangte chu by heart ringawt lova, chik zawka zirtir dan turte, milem te, drama leh field trip a tam thu te, naupangte chu an tawn hriat hmangte leh zawhna zawt thiam tura chher tum a nih dan te sawi lan a ni. (DIPR)