ZMC & H-ah zirlai 400 chuang an awm mek

27 July 2026: Sawrkar thuchhuahin a tarlan danin, ZMC & H-ah tunah hian zirlai 494 an awm mek a, intern ti lai 97 an awm.

Kum 2025 – 26 Academic Year bikah MBBS zirlai 100 a nei a, an zinga 70 hi state quota a ni a, 15 hi All India quota a ni a, a dang 15 te hi Non – Resident Indian quota a ni.

National Medical Commission chuan Post Graduate zirna seat 10 a rawn phalsak. 

Master of Public Health zirna hi kum 2024 khan an hawng tawh bawk a, tunah hian zirlai 8 an awm mek.

ZMC & H ah hian MCON, RIPANS leh Pharmacy College hrang hrang atangin Nurse leh Laboratory Technician zirlaiten Internship leh clinical posting programme an nei reng thin.

Department pariat: Blood Bank, Accident & Emergency, General Administration, Labour Room, Maternity OT, Paediatrics OPD, Paediatrics Ward leh SNCU ten NQAS National Certificate an hmu tawh a ni.

Tun kum hnih leh a chanve chhungin Cabin thar 30 siam belh niin Cabin hi a vaiin khum 40 a awm tawh a. ICU pawh hemi hun chhung vek hian a thar 13 siam belh niin a vaiin ICU hi 26 a awm.

ZMC & H ah hian khum 519 a awm a, Mizorama Hospital lian ber a ni