06 Nov 2024: MNF President Pu Zoramthanga’n Sinlung Hills Council-a hnehna an chang chuan inthlan awm chho turah an party tan hmasawnna a thlen a beisei tih a sawi.
Akashvani palai nen an inkawmnaah he thu hi sawiin Pu Zoramthanga chuan, Sinlung Hills Council inthlan chu sawrkar hrawn laia mipui ngaihdan mar dehna a ni a ti a, an chakna chu MNF tan hlawkna lian tak ani tih sawiin Village Council, Local Council leh inthlan dang lo awm zel turah MNF tan hmasawnna a siam ngei a beisei tih a sawi.
MNF President chuan, ZPM-in nikuma Sawrkarna an siam hnu kum 1-na Sinlung Hills Council-a seat 3 chiah la theia an awm chu an tlakhniamna lantirna a ni a ti a, enchhin an dawllo hle tih sawiin mipuiin an rinna chu kum khatah a tlahniam nasa hle a ti a, Politics kaldanah Ruling party chuan Council inthlanah hnehna sang tak chang ṭhin annih laiin ZPM erawh mipui beisei an phak loh em avangin hnawl an ni a ti a, sum harsat lai takin buhfai man leh oil man tisangin an thusawi apiangah mipuite hriatthiamna dil aiin vauna thu a tam zawk avangin reiloteah mipuiten inthlanna awm hmasaah an paih thla tih a sawi. (Akashvani)
