01 May 2025: ZPM Southern Hqrs Lunglei chuan thuchhuah siamin, ATL Road chungchanga ngaihdan inanglo awm avanga hmalakna inhnerem lo avangin Chhim mipuite leh MZP Hqrs Lunglei ten he kawng atanga sum tlingkhawm Rs Vbc 90.69 atanga Vbc 45.89 ruahman fel anih hnuah a bak la awm Vbc 44.89 pawh-pen nia sawi chu Mizoram Chief Minister Pu Lalduhoma’n he kawng hi tha taka siam a tumna leh hemi atana CRRI ten Estimate siam se Rs Vbch 100 chuang pawh a tul anga Sanction zui leh tura a ruahmanna lo neih chu nghah zawh a nih tak loh avangin, Chief Minister Pu Lalduhoma chuan Rs Vbch 58.99 a rawn ruahman belh ta mai hi ZPM Southern Hqrs Lunglei chuan lawmawm kan ti tak zet a, pawhpen nia an sawi Rs vbch 44.89 aia tam daih mai ruahman sak kan ni hi Chhim mipuite min duhsakzia chiang takin a tilang a ni, an ti.
ATL Road chungchanga Chhim bial mipui harsatna lian tak mai sukiang tura Chief Minister Pu Lalduhoma bakah kan Chhim lam MLA te leh kan Party-in hma an lakna hi ropui kan tiin, an chungah lawmthu kan sawi a, kan chhuang tak zet zet a ni, an ti.
ATL Road chungchanga rilru leh ngaihtuahna senga veitu zawng zawngte leh kan NGO zawng zawngte chungah pawh lawmthu kan sawi bawk a ni, an ti.
