Cement Factory/Company hrang hrang aiawhte kokhawm

Cement Factory/Company hrang hrang aiawhte kokhawm

19 Nov 2026: Legal Metrology Lunglei chuan vawiin chawhnu dar 2:00 khan Lunglei khawpui chhung a Cement Factory / Company hrang hrang aiawhte – Cement bag a Maximum Retail Price tarlan chungchangah an ko khawm a, company aiawh Senior Officer leh Sales Representatives Lunglei a awm te an kal kim.

Meeting hi Pu R Lalnghakliana, Assistant Controller chuan a kaihruai a, tunhnaiah Cement zawrhna dawr an check kualnaah MRP inziaklo leh chhiar hleihtheih loh an hmuh fo thu a sawi a. MRP inziak lo leh fiah lo hi dan phal loh a ni a, na taka hrem theih anih thu a sawi.

Company – Valley Strong Cement, Max Cement, Taj Cement, Dalmia Cement, Amrit Cement leh Star Cement aiawhte chu MRP an ziak dan te leh Legal Metrology lehkha an lo bawhzui dan te sawi tir theuh an ni a, company hotute hnenah pawh an lo bawhzui tha hle a, MRP pawh an ziak deuh vek nain chhiar hleih theih a ni lo tih erawh an sawi hlawm a ni.

Assistant Controller chuan a leitu chhiar theih ngei turin uluk leh nghet zawka MRP chu tarlang turin a hriattir a, an mahni zawnah theuh hma an lo lak tur thu company aiawhte hian an sawi a ni.

Inkawmhonaah hian Pu Kawldingliana Colney, Inspector Legal Metrology leh Pu Pc Lallawmkima UDC ten Assistant Controller hi an tawiawm a ni.

Share Post:

Comments (0)

No comments yet. Be the first to comment!

Leave a Comment

Boost Your Business with Cutting-Edge Marketing Solutions Today

Your ad here
Image