CM hnenah National Highway a Aizawl-Thenzawl-Lunglei thleng puang turin an ngen

11 Nov 2025: Vawiin chhun khan YMA Sub Headquarters Lunglei hruaitute chuan SEC Meeting thurel bawhzuiin Chief Minister Pu Lalduhoma an kawm a, he hunah hian Pu Zothanzuala Hnamte Secretary, Pu R Laldinliana Asst Secretary, Pu ZD Rualchhawnzova SEC, Pu H.Lalhmingthanga SEC te an kal a, Central YMA President leh Fin Secretary ten an tawiawm.

He inkawmna hunah hian Aizawl to Thenzawl State Highway chauh National Highway a puan tumna a awm nia an hriat avangin Chief Minister hnenah hian Aizawl-Thenzawl-Lunglei thleng a puang turin an ngen.

Aizawl – Thenzawl – Lunglei kawng hi National Highway anih loh chuan Western Bypass Road (Pukpui to Sazaikawn) Survey zawh vek tawh, hunrei tak Approve loh a awm hi, By Pass Road a siam tur chuan National Highway leh National Highway a in pawh a ngaih avangin tun thlengin Approve lohin a awm thu CM hi an hrilh a ni.

Chief Minister Pu Lalduhoma chuan Aizawl-Thenzawl-Lunglei bakah Aizawl-Thenzawl-Buarpui-Bunghmun te National Highway a puang turin Prime Minister hnenah YMA Sub Hqrs Lunglei hruaitute awm lai ngeiin lehkha a siam nghal a, YMA Sub Hqrs Lunglei hruaitute chuan an ngenna te ngai pawimawh a, hma a laksak nghal avangin CM chungah pawh lawmthu an sawi a ni.

YMA Sub Hqrs, Lunglei hruaitute hian Higher & Technical Education Dept Minister hmu nghalin, Lunglei a State University dah theih dan tur an sawipui nghal bawk.