23 Sept 2024: Vawiin khan CM Conference Hall-ah State Level Committee on SASCI te chu an chairman Pu Lalduhoma, Chief Minister hovin an thukhawm a. Part X of SASCI, 2024-25 atanga Working Women Hostel, hmun pasariha sak dan tur an rel.
Hemi atana PWD lamin ruahmanna an siamte sawifiahna an nei a. A vaia sum sen tur zat hi Rs. Vbch 127 a ni. SASCI part X hnuaia working hostel te hi sak anih chuan guidelines-in a sawi angin amaha inenkawl zel theia Public Private Partnership anga enkawl zui tur a ni.
A sakna hmun tura rawt te chu: ZMC Complex, Lunglei Ramthar veng, Thenzawl Field Veng, Ramhlun Sports Complex, ITI Complex, Aizawl, Champhai Kahrawt veng leh Khatla, Aizawlah te an ni. An len zawng a inang vek lova, a then chu khum 140 awm theihna tur a nih laiin a then te chu khum 40 awm theihna tur te an ni a, khum awm thei zat tur an inang vek lo.
Meetingah hian Pu Vanlalhlana, PWD Minister, Pi Lalrinpuii, Social Welfare Minister, Pu Lalnghinglova Hmar, LESDE Minister, Pu TBC Lalvenchhunga, Adviser to CM (Finance) leh member dangte an tel a ni.
