22 Oct 2024: Congress thalaite’n Samagra Siksha Mizoram leh TiLi-in ‘Project Intodelh Inzirtirna 2024-2025’ atana thawhdunna an ziah chungchangah dik lo taka pawisa hman a ni tih sawiin Lokayukta-ah chhui tura tihna lehkha an thehlut.
Education Department hnuaia Samagra Siksha Mizoram leh Tharthilthlentu Entrepreneurship and MSME Support Society (TiLi)-te’n inremna an ziaha project fund chu Rs Nuai 59 a ni a, inremnaah hian Education Minister, TiLi neitu leh Samagra Shiksha hotuten hming an sign tih Mizoram Pradesh Youth Congress Committee chuan tarlangin he project-ah hian guideline-in a phut angin tender chhuah a ni lo tih an tarlang. TiLi chu ZPM thupuangtu u fapa ta a ni tih an tarlang a, danin a phut anga Tender leh Quotation pawh chhuah lo va project lian leh pawimawh tak, sum tam tak awmna Advance Payment Rs Nuaih 23 leh sing 6 lai mai an inpe tih tarlangin, hei hi a thil dik anih loh thu leh induhsakna uchuak tak kalpuina anih thu an tarlang bawk a ni. (DD)
