Denga man leh theih nana puitu Vanhne VDP member te hnenah chawimawina hlan

10 Sept 2026: Vawiin chawhma dar 11:00 khan Lunglei S.P, Pu Shivam Shiddarth chuan Lunglei Police Station atanga September ni 1 2026 zing lama tlanchhuak Denghmingthanga, Mualthuam North an man leh theih nana puitu Vanhne VDP member panga te hnenah chawimawina a hlan.

S.P Office a chawimawina hun tawi hmanah hian Mualthuam hmeichhe tleirawl thattu a puh Denghmingthanga Police kut atanga a tlan chhuah hnu a September ni 3 2026 tlai lama man leh a nih dan leh Denga sulhnu chhui a nangchingtu, Vanhne VDP member panga te hian Denga an zawn dan leh September ni 2 tlai lama second 5 vel ralkhat atanga an hmuh thuak dan te, a tuk lama a sulhnu hrang hrang an chhui zui atanga Pu BZ-a thlama tlai lam dar 4:00 vela an hmun dan chanchin sawiin, an zinga tel ve Police te pawh an fak thu leh thawhhona tha tak an neih thu an sawi.

S.P pawhin Vanhne VDP te inpekna leh thawhrimna te fakin Police nen thawhhona tha tak neih chhunzawm zel a duh tih a sawi bawk.

Vawiina S.P-in Denga zawn chhuah kawnga Police te tha taka puitu chawimawina Citation a hlan te hi; TV. Zochamliana, TV. Lalrinmuana, Pu F.Lalrinsanga, Pu Lalneihpuia Renthlei leh Pu P.Lallawmkima te niin, chawimawina hunah hian S.P hi Addl.S.P, SDPO leh Dy.D.P ten tawiawmin MJA Lunglei hruaitu thenkhatten an telpui bawk a ni.