Ganja leh Khuh damdawi ruih a hluar niin Minister-in a sawi

13 Nov 2026: Excise & Narcotics Department changtu Minister Pu Lalnghinglova Hmar chuan vawiin chawhnu dar 2:30 khan Excise & Narcotics Department Office Lunglei a tlawh a, O.C Charge la mektu Inspector H.C. Lalramthara leh thawktu dangte’n an lo dawngsawng.

Excise Minister chuan, ruihhlo do beihpui kan thlak hnuah Heroin man nasa takin a sang tawh a Hawng khat chu Sing 5 aia tam te ni tawhin, hei hian a vang tih a lantir a, a lawmawm hle a ni a ti.

Home Minister hovin Central YMA te nen tunhnaiah Meeting kan neihnaah Excise lam kan tel loh avangin rilru natna tur a awm lova, a ralrelna hmun kan ni tih kan hriat a pawimawh a ti.

Heroin kan do hnuah Ganja ruih a hluar hle a, Heroin dona atana thapui kan thawh laia Khuh damdawi ruih a hluar ta em em chu a huatthla la awm hle a, hemi do tur hian theihtawp kan chhuah leh angai; Minister chuan a ti.

Sawrkar pawhin Excise Deptt chu ruihhlo donna kawngah ti tak tak tura min duh avangin min duhsak a, Department lian ni si lovin lirthei thar pawh 20 chuang kan nei a. Tlawmngai pawlte nen thawhho thiam zel a pawimawh Minister Pu Tetea chuan a ti bawk.

Tun dinhmunah Excise & Narcotics Department Lungleiah hian thawktu Uniforn ha 34 leh Clerk 4 an awm mek.