Gov’t J.Buana College chu MzSU hnuaia pakhat anih ve theih nan proposal siam

03 Aug 2026: Pu V. Malsawmtluanga MLA, HPC Vice Chairman Lunglei chuan, Govt. J.Buana College chu MzSU hnuaia pakhat atan anih theihna turin Proposal te siama hmalak mek a ni, a ti.

He thu hi vawiina ZPM Southern Hqrs. Lungleiin an Party Office-a Chhung inkhawm leh Political Session hun an hmannaa a sawi a ni. Pu V. Malsawmtluanga chuan Mizoram State University hmachhawp leh hmalakna tur awm te a theih anga bawhzui zel anih thu a sawi a ni.

Chhim lamin Power Supply chungchanga harsatna a tawh thinah chhawk zangkhaina atan Sapui Ramah Solar Power Plan Vbc 400 chuang man tur chu bawhzui a ni a, hemi ah hian NGO te leh Lunglei a Deptt hotute nen hemi chungchanga sawiho tur awm te la sawiho tum niin, he Plan ruahman hi 20 MW atanga 50 MW thleng ni thei tura ruahman a ni a, a taka kalpui thuai beisei a ni a ti bawk.