‘Home voting’-a vote tla 2,000 tling ta

04^th Nov 2023: Addl. Chief Electoral Officer, Mizoram thuchhuaha tarlan anih danin, Mizoram inthlanpui 2023 neihna turah District hrang hrangah kum 80 chin chunglam leh Vohbikte tan mahni in lama vote thlak ‘Home Voting’ kalpui zel a ni a. Nimin Nov ni 3, 2023 tlai dar 5:00 thleng khan Home voting 2,058 a awm tawh.

Hemi bakah hian inthlan kaihhnawiha duty tur Polling personnel, Official dangte leh inthlan ni a essential service duty turte tan postal ballot hmangin Facilitation Centre-ahte vote thlak chhoh mek zel a ni bawk. Hriat theih chinah Nov ni 3, 2023 tlai dar 5:00 thleng khan Facilitation Centre voting 7,497 a awm tawh bawk.

Home voting leh Facilitation voting a vote tla 9,555 a awm tawh a ni.