Mibo zawn thi a hmuh a ni

05 Aug 2026: Lunglei District-a Mualthuam North hmeichhe tleirawl H.Ramdinpuii (15) D/o H.Lalawmpuia chu khawtlangin tunkar Thawhtan zan aṭanga a bo thu puang a, nimin nileng leh nizan zankhua a an zawn hnuah vawiin chawhma dar 10:30 vel khan Mualthuam North M/S bul hnimbuk karah thiin hmuh a ni.

Mualthuam North atanga thudawn danin, a nghawng hmun hnihah zaina hnuhma hmuh a ni a, a bul velah thisen far leh hnuhma dang hmuh a ni lova, helai vel hi nimin lam khan an lo zawng tawh niin an sawi.

Kan thudawnnain a sawi danin, Thawhtan zana a chhuah hma hian Phone a khawih a, hemi hnu hian pawnah chhuakin tu emawin a ko chhuak niin a lang a, heta tang hian a chin hriat a ni ta lo a ni.

He thil thleng chungchangah hian rinhlelh tur an la nei rih lo niin an sawi.

Hmeichhe tleirawl vanduaina tawk ta Phone ken hi a pa ta niin an inbiakna delete vek a ni.

Vanduaina tawk ta H.Ramdinpuii hi Mualthuam North H/S-ah Class X zirlai niin first term exam-ah pawh khan 5-na a ni a, unau 4 niin amah hi a upa ber a ni.

Chanchin buatsaih lai hian Lunglei Police-te chuan thil thlen dan an enfiah mek a ni.