“NDA a MNF an awm avangin BJP thu thuin a awm lo“ – President, MNF Sub Hqrs Lunglei
Lunglei; 26 October 2023: Vawiin chawhnu khan MNF Sub Hqrs Lunglei hruaitute chuan an President room-ah Lungleia thuthar thehdarhtute kawmin; MNF chu NDA a an awm avangin BJP thu thuin a awm lo an ti.
Thuthar thehdarhtute an kawmnaah hian MNF Sub Hqrs Lunglei President Pu Vanlalhmuaka chuan, NDA a kan awm avangin BJP kan zawm lo tiin; Mizo tana thalo turah chuan MNF MP-te pawhin Parliament-ah pawh sawrkar ep zawngin ban an phar mai a ni, a ti.
President tawiawmtu Pu R.Saptawna Adviser MNF Sub Hqrs chuan, MNF in NDA a zawmna chhan chu, MNF-in a do ber Congress anih avangin Congress awmlohna lam NDA-ah kan tel mai a; BJP duhdanin kan kal lo va, Mizorama BJP lo luhna remchang pawh kan ni lo tiin, India Parliament-ah eng dan pawh pass sela Article 371(G) hnuaiah Mizoram State Assembly-in a pawmpui veloh chuan hman ve theih a ni lo va, MNF Party hi kan ram leh hnam kan sakhua himna tur diktak zawk a ni, a ti.
