Doctor-te’n CM chawl hahdam rih turin thurawn an pe

26 Oct 2026: Tun Inrinni liam ta atang vel khan Chief Minister Pu Lalduhoma chu a taksa a chauh deuh avangin a inentir a. Doctor ten uluk taka an endik hnuah thil fel lo engmah an hmu lem lo va. A hah lutuk vangin a rimtawng a ni an ti. Ni enge maw ti chhung chu chawl hahdam turin thurawn an pe.

Hetiang anih tak avang hian vawiina (26.10.26 Monday) programme a lo duansate chu cancel a ni a, naktuk lama a lo duansa te pawh loh theih loh chauh lo chu cancel a ni ang. A Programme neih tur chin chu a kaihhnawih official leh mipuite hriattir an ni ang.

In lama a awm hahdam chhung hian phone-a biak leh Message thawn lama lo insum turin mipuite ngen an ni a. Amah hmuh kher pawh tum rih lo turin an ngen a ni.

Chief Minister hi office-ah a ni emaw a zinvahnaah a ni emaw khua leh tuiten an hmu deuh reng a, nitin programme chi hnih chi thum a nei zel a. A hunawl neih chhunah leh zan lamah e-office hmangin file a en zel bawk a. Hna hi a thawk nasa em em thin niin, sawrkar thuchhuah chuan a tarlang.