Lunglei Park chei that hna thawk tan

14 Oct 2026: Lunglei Park (Children Park) Chanmari ami chu UIDF sum Rs Vbch 2 senga chei that tumin hna thawh tan a ni.

Mi tam zawkin Children Park tia kan hriat Lunglei Park Chanmari ami chu Urban Infrastucture Developement Fund (UIDF) sum atangin Rs Vbch 2 senga chei that tura ruahman anih angin, he hna thawk tura Sawrkarin a thlan; A3 Design Build Aizawl-te chuan hna hi an thawk dawn a, vawiin atangin hnathawk hmuh tur an awm tan.

Lunglei Pulse Project hnuaiah Tarmitakhawthlir lamah SASCI sum Rs Vbch 1 sengin Skywalk siam tura ruahman a ni bawk a. Skywalk siamna tur Project hi ARDECO leh Town & Country Planning Department Mizoram ten an insiam tawm a ni a, tun dinhmunah Project siamtute hian nge  Skywalk siam hna hi thawk dawna midangin tih hriat chian a la ni lo.

Heng hna leh Lunglei khawpui hmasawnna tur Project dang engemawzat chu UD&PA-in LMC kutah hlan tura tih anih laiin mumal taka inhlan fel a la ni lo va, Park chei dan tur leh Skywalk siam dan tur Design leh Blue Print pawh LMC emaw UD&PA Lunglei lam chuan an la hmu lo.