NH54(A) 3Gate to AOC inkar kawng siam hnatlang thawk

10 Sept 2026: Vawiin chawhma dar 10:30 khan Mizo National Front Lunglei South ‘North’ Block buatsaihin NH54(A) 3Gate to AOC inkar kawng siam hnatlang an thawk.

MNF Party hruaitute chuan helai kawng hi Lunglei khawpui chhung LMC ward No 9 huamchhung niin Lunglei khawpui chhung kawng pawimawh tak a ni a. Lunglei District chhung chhimlam te bakah Siaha leh Lawngtlai District te zawh ber kawng anih avangin enkawl mumal loh avangin lirthei kalten harsatna an tawh fo takah chuan Mizo National Front Lunglei South ‘North’ Block te chuan Kawng siam hnatlang hi an thawk niin an sawi. Hnatlangah hian mi 100 chuang an thawk chhuak a, kawng khuar motor tan a tlan hrehawm deuh deuh hmun 7 chu boulder trip 7 hmangin an hnawh.

Vawiina Kawng siam hnatlang thawkte hian hetiang hian Resolution siamin an pass:-

” NH(54A) hi mi satliahte Kawng zawh thin anih avang rigawt hian Mizoram Sorkar hian ngaih thah tawh suh se.

Mizoram Sorkar hian Kawngpui a chhiatin midang puhmawh tur zawng lovin hmala thin tawh rawh se.

Chief Minister-in Lunglei mipuite hmaa a intiam ang ngeiin (HPC Cup final ni a, a thusawi) helai kawng siamna tur nuai 377 dah anga a insawi hmangin NH(54A) 3Gate to AOC inkar kawng hi siam tha vat turin Mizo National Front Lunglei South ‘North’ Block Kawng siam hnatlang te chuan kan ngen a ni.”