Ruihhlo Do : A nakah zen chat chat an tum

24 July 2026: Pu C.Lalrindika, Secretary YMA Sub-Hqrs Lunglei chuan ‘Chhung lam leh pawn lam atanga kan ram leh hnam nek sawra awm tur dang turin YMA chuan a tih tur a ti zel dawn a ni’ a ti.

He thu hi Dt.23.07.2026 (Ningani) zan a YMA Run, Pukpui a, YMA Pukpui Branch ten Kumpuan ‘Ruihlo Do’ hawnna inkhawm an buatsaihah Pu C.Lalrindika chuan sawiin, tun dinhmuna Mizo-te tana ral ngeiawm leh min bei na bertu chu Ruihhlo hi a ni a ti.

Kumpuan hawnna inkhawm Pu Zodinsanga Ralte, Chairman Kumpuan Committee kaihhruaiah hian Pu C.Lalrindika chuan, Pukpui hi kawtchhuah pawimawh Lunglei hmel lanna an nih angin khawtlang sukthlekin nghawng a nei lian thin a ni tih hria a, Ruihlo Dona kawngah pawh tha thlah hauh lo turin a sawm a, kawng hrang hrangah Pukpui chu Lunglei a hmun pawimawh awm khawmna anih bawk avangin an khawtlang tluka mipui dawl thiam leh dawl zo veng dang an awm chuang lo a ni a ti bawk.

Mizo nuna bet tlat thianchhan thih ngam kan nihna hriain Ruihlo avanga buai mekte kan en kan dawn lo che u a, in lamah tanpuina ban kan phar dawn, tiin chutihrualin midang zahpah nei hauh lo va ruihhlo zuara thalai thisena eizawngtute sim tura chahin, YMA chuan Dan mit timim lo tawka hmachhawn a thiam a ni, a ti bawk.

Ruihlo hi chhungkaw inrelbawlna fuh loh leh zirna in rap tlemte zingah a ngawl vei an tam ber a, chuvangin chhungkua a bul tan a, zirna kawnga tan lak thar hi a dona tana tihmakmawh a ni a ti. Chhungkua, Kohhran, Khawtlang leh Sawrkarin he ruihlo hi kan theihna zawn theuhah theih tawpa kan do chuan kan hneh ni ala thleng ngei ang a, beidawn san lo ang u a ti bawk.

YMA Pukpui Branch President Pu R.Lalrosanga chuan Ruihhlo Dona khauh taka kalpui an tum thu leh a nakah an zen chat chat dawn tih a sawi.

YMA Pukpui Branch chuan ruihlo dona hmanrua an chahkhawm mek tih Kumpuan Chairman Pu Zodinsanga Ralte chuan a tarlang bawk.

Nizan Kumpuan hawnna inkhawmah hian LMC Ward Councillor Nl. Lalhruaitluangi Sailo, Local Council member, leh MUP aiawhten thutawi sawiin, kumpuan bawhzuinaah YMA chu theih tawpa thlawpin tan an lak pui tur thu an sawi.

Kumpuan Hawn Inkhawmah hian YMA member, Kumpuan Committee member, LC, MHIP leh MUP aiawhte kal khawmin, YMA Sub-Headqarters Lunglei Committee member Tv.F.Lalroliana leh Tv.T.Lalnunchama ten an telpui bawk a ni.