13 March, 2024: Mizoram Legislative Assembly thutkhawm – Budget Session-ah Aizawl South 2 bialtu MLA, Pu Lalchhuanthanga zawhna chhangin Power & Electricity Minister chuan, Power & Electricity dept-in power leina atangin Rs1,44,25,08,760 ba a nei mek tih a sawi a, zawh belhna chhangin P&E dept chuan corporate lam hawi zawngin hma a la mek zel tih sawi bawkin, khawpui chhungah electric hrui kilometre 20 vel thlak mek zel a nih bakah, Mizoram chhim lama eng pek mumal lo thin tiziaawm turin hma an la mek a ni, a ti bawk.
Thorang bialtu MLA, Pu R.Rohmingliana zawhna chhangin Power Minister Pu F.Rodingliana chuan, Electric Current kal dik lo avanga Consumer-te Bungrua chhiaah zangnadawmna pek theih anih thu a sawi a, current kal dik loh chhan chu chhuichian anih hnuah tanpuina pek theih anih laiin dan phal chin aia tam lo pawt rute erawh dan hmanga hrem theih an ni tih a sawi.
Pu F.Rodingliana chuan Tuivawl bialtu MLA, Pu Lalchhandama Ralte zawhna chhangin Lungleng khaw bula Tlawng Hydro Project, Megawatt 54 pechhuak thei tura ruahman chu hmalak tawh anih thu a sawi bawk.
