Pu Mahlima’n SLT Company hotute chak zawka hmalak dan tur a sawipui

Pu Mahlima’n SLT Company hotute chak zawka hmalak dan tur a sawipui

16 Nov 2026: Vawiin khan Lunglei West bialtu MLA leh PWD puibawmtu ni bawk Pu T.Lalhlimpuia chuan, SE Conference Room-ah PWD Lungleia thawktu Engineer-te leh officer-te meeting a neihpui. ATL road hnathawh mek chak zawka kalpui anih theih dan tur bakah, PWD Lunglei Division in Lunglei District chhunga hmasâwnna hnathawh tur hmachhawp hrang hrang an neihte an sawiho. PMGSY Phase IV ah, Lunglei District-in hna pariat (8) lai mai a chan thute ngaihthlak a ni bawk.

MLA Pu Mahlima chuan PWD, Lungleia thawktute chu dik leh rinawm taka hnathawk turin a chah a, an harsatna tawhte hrilh hreh lo turin a hrilh a ni.

Meeting zawh hnu hian Pu Mahlima chuan ATL road kawng siam mek chu a hmunah tlawh nghalin, he kawng siamtu SLT Company hotute chu an inbunna hmun Mausenah tlawhin, chak zawka hmalak dan tur a sawipui nghal.

He hunah hian SLT Company hotute chuan MLA hi lo dawngsawngin, MLA ngenna anga chak zawka hmalak an tum thu an lo hrilh a. Tun dinhmunah khâwl engemawzat leh hmanraw mamawh an inchhawp ngah táwk thu lo hrilhin, lung hi nitin trip 223 vel a thlen ziah thu leh, bitumen pawh stock an ngah thu an lo hrilh. Hnathawktu pawh tuna awmsa mi 100 bawr vel bakah, tunkar tawp lamah hian mi engemawzat an rawn thlen belh dawn thu leh, tunah hian chak zawka hnathawh a nih theih nan Engineer paruk leh Supervisor pakuain an thutchilh mek thu an lo hrilh bawk.

Haulawng leh Kanghmun South inkar tlan hrehawm zual lai chu a rang thei ang bera siam ṭhat an tum thu an lo hrilh a ni.

SLT hotute hian MLA Pu Mahlima ngenna angin December thla tir lamah hian Lunglei khawpui chhung kawng siam hmabak pawh khawih chhunzawm an tum thu an lo hrilh a ni.

ATL road siam mektu SLT Company hotute tlawhna hunah hian Pu C.Lalnunnema Consultant, ZPM General Headquarters leh PWD Lungleia EE leh SDO thenkhat bakah, ZPM Southern Hqrs. Lunglei hruaitu thenkhatte’n Pu Mahlima hi an ṭawiâwm a ni.

Share Post:

Comments (0)

No comments yet. Be the first to comment!

Leave a Comment

Boost Your Business with Cutting-Edge Marketing Solutions Today

Your ad here
Image