Rakzu thahnem tak man

20 July 2026: July ni 18 2026 Inrinni zan dar 8:30 vel khan Excise & Narcotics Department Lungleia thawktute chuan, Lunglei tualchhung hralhna rate a Rs 3,20,000/- man hu Rakzu thahnem tak leh a neitu nia inchhal Tluangtinthanga (54) S/o Lalthankima leh Hauhmingluna (39) S/o Zam Za Gin Phunchawng Aizawl ve ve nia in chhal te chu an man.

Excise & Narcotics Department Lungleia thawktute hian an thudawn bawhzuiin, Aizawl lam atanga Lunglei pan Yodha Pikup chu Pukpui daiah lo an lo ti ding a. Lirtheiah hian Aizawl Phunchawng atanga lak Rakzu litre 800 chuang Lungleia tihral tur an lo phur a, heng an Zu phurh leh a neitu nia inchhalte leh an lirthei hi manin thubuai siam sak an ni.