Traffic Police puitu tur Traffic Warden 3 la dawn

27 July 2026: Vawiin chawhnu dar 1:00 khan LMC hnuaia Traffic & Transport Coordination Committee member-te chu an Chairman Pu K.Lalrinawma, LMC Vice Chairman hovin BoC Hall-ah an thukhawm.

TTCM Meeting chuan August thla atanga chhawr theih turin Traffic Police puitu tur Traffic Warden 3 lak nise tiin, an lawmman tur chu Parking Fee atanga pek nise a ti a, Traffic Warden lak tharte hi Vengchhung inkalpawhna bikah hman tangkai tura ruahman a ni.

Hei bakah hian Traffic Warden lak tharte leh Traffic Police-ten zan lamah lirthei dahna Garrage neilote enfiah hna thawk se an ti bawk.

Meeting chuan khawpui chhung; a bik takin Kikawn leh AOC inkara Cable chi hrang hrang inzam hnawk lutuk senghawi leh siamrem turin Service Provider-te nen en ho a hmalak nise an ti.

Meeting a tarlan anih danin, kum 2026-2027 chhung atan Parking fee Rs 8,30,000/- hmuh tawh niin hmuh belh zel beisei a ni. Heng Parking fee hi mipui tana tangkai tura hman vek thin anih angin, Traffic Warden lawmman leh Cable hnawk senghawi leh siamrem hnathawh nan pawh hman tura tih a ni.