14 April 2024: Vawiin chawhma dar 10:00 vel khan Lunglei Luangmuala Pu C.Malsawma te In chu bungrua engmah chuh hman lovin a kang a, thi leh hliam an awm lo.
Pu Malsawma In hi Inkhawm an kal hnua kang niin, a kan chhan chiah hi hriat nilo mahse Electric wiring fel tawk lo avanga kang anih rin a ni. Pu C Malsawma te hi Nupa rek a awm an ni a, an fapa te in hrang changin an khawsa tawh a ni. In kangah hian an bungrua, Fridge, TV, Uite pahnih leh thawmhnaw zawng zawng a kangral vek. In hi a ban leh a bang RCC niin a chhuat thingphel a ni thunga a chhuat hi a kang chhe deuh vek a ni. Kangmei chhuak hriat anih veleh a hria khawtlang mipuiten theihtawpin kangmei thelh hna an thawk nghal a, kangmei chhuah atanga rei vak lohah Fire Department te thlengin kangmei hi an thelhmit thei a ni.
In neitu Pu Sawma hi Kohhrana in hmang tak niin Kohhran lehkha pawimawh a kawl ang ang te pawh a kang tel ni a hriat a ni. Vawiin vek khan Lunglei Luangmual All NGO’s ten Emergency meeting nei nghalin naktuka neih turin hnatlang an ko a, Dist Magistrate leh Police hotute pawhin vawiin vek khan kangmei chhuahna hmun hi tlawhin thil awmdan an enfiah nghal bawk a ni.
