13 June 2024: Mizo Zirlai Pawl Headquarters: Lunglei chuan vawiin chawhma dar 10:00 khan Mizo Zirlai Ti Tha Chawimawina hun Convention centre-ah an hmang a, H&FW Minister Pi Lalrinpuii’n khuallian niin a hman pui.
Khuallian chuan tun kuma MBSE-in HSLC leh HSSLC result a tih chhuah taka chhim lam atanga top ten-a lang an awm miahlo chu a rilru nat thu a sawi a, chhim lam zirlaite tun aia nasa a zirna lama tan la tur leh tih tak meuha zirna lama rilru pe turin a chah a ni.
Pi Lalrinpuii chuan sorkar school zirtirtute’n ai kal an la nasa lutuk te chu pawi a tih thu a sawi a, private school leh kohhran school zirtirtute hlawh tlem zawk hlawh siin, taima taka naupang zirtira sorkar school aia result tha an nei thin chu an fakawm a tih thu a sawi bawk. Zirna In neitute chu phai lam school te anga professional courses-a inziak tling tam zirlai neih lamah te tan laa inel a tul tawh thu a sawi a. Zirlai naupangte chu ruihhlo laka fihlim tur leh hlawhtlinna tak tak nei thei tura taima taka zir turin a fuih a ni.
He hunah hian MZP Gen Hqrs Aizawl President Pu H.Lalthianghlima leh MZP Hqrs Lunglei President Pu Johan Hmangaihzuala Ralte te pawhin thu an sawi.
Lunglei Town Area-a HSLC-a Distinction-a pass zirlai 53 leh HSSLC-a Distinction-a pass zirlai 26 te bakah 100% pass school 14 te leh HSLC-a Mathematics leh Science subject topper-te chawimawi an ni.
