24 April 2024: Tukin dar 5:00 (24-04-2024) vel khan Kolasib Vengthar a chhungkaw pathum luah lai Assam type In, chhawng thum chu bungrua engmah chuh hman lohin a kang a, mihring thi leh hliam erawh an awmlo.
In kang ta neitu hi Pi Lalthakimi (Kimtei), Kolasib Venglai East-a cheng niin, In hi chhungkaw thumin an luah a, In kàn chhan hi hriat chian nilo mahse, a chung ber luahtute in-a Eichawp Dawr te atanga kang tan ni a hriat a ni a, Kolasib Fire service-te chuan In kang hi theihtawp chhuahin an thelh a ni. In kangah hian eirawngbawlna Gas hman lai pahnih a puak tel tih hriat a ni a, hetihlai hian mihring thi erawh an awm lo va, In kang thenawm, a thlang lama Pi Ronghaki te in bang, thuamhnaw, mut bu leh inchhung bungrua a kang chhe nasa hle a, chhak lama Pu Lalfakzuala te choka bungrua pawh engemaw zat a kang chhe tel bawk. (AIR)
