DC-in office hun vawn dik chungchangah staff-te dinhmun a endik thut

21 July 2026: Lunglei District Bawrhsap Pi Navneet Mann chuan tukin dar 9:00 khan sawi lawk lovin Bawrhsap Pisaa pindan hrang hrang tlawh thutin, hnathawktute hun vawn dik dan leh office inkaihhruaina hrang hrang an zawm dan a enfiah a. Thawktute chu ṭha taka office inkaihhruaina leh inthununnate zawm turin a chah.

Lunglei DC Office-a discipline vawn leh hnathawh dan tur felfai taka kalpui anih theih nan vawiin vek khan Lunglei Bawrhsap chuan DC office-a officer leh staff zawng zawngte zawm tur thupek a chhuah nghal.

Thupekah hian officer leh staff zawng zawngte chu Thawhṭanni aṭanga Zirtawpni thlengin zing dar 9:00-ah office thlen vek tur anih thu leh tlai dar 5:00 thleng office-a awm tur anih thu te, office hun chhungin duty ṭulah lo chuan office chhuahsan loh tur anih thu leh loh theih lohna avanga chhuah a ngaih pawhin hotute hnenah phalna lak hmasak tur anih thu te a tarlang a. Thupek zawm lo leh bawhchhia an awm chuan an chungah dan anga action lak anih tur thu a tarlang bawk.