02 Nov 2024: Lunglei Thalai Pawl (LTP) hruaitute chuan vawiin chawhnu khan Lunglei Press Club-ah thuthar thehdarhtute kawmin Lunglei to Tlabung NH 302 kawng siam muang lutuk chungchanga an hmalak dan te an sawi.
LTP hruaitute chuan NHIDCL hnuaia thawk mek Contractor BRN Co te hian duhthusamin helai kawng siam hna hi an thawk lo ni a an hriat thu leh chuvangin a ruaitu leh Contractor te chungchangah lungawilohna lan tir an tum tih an sawi a. Lunglei Thalai Pawl chuan NHIDCL leh Contractor te pawh an biak rawn fo thu leh Meeting pawh District thuneitute kaihruaina hnuaiah vawi duailo an neih tawh thu an sawi.
Lunglei Thalai Pawl chuan PIL thehluh an tum thu leh Contractor leh NHIDCL-te lakah lungawilohna na tak lan tir an tum thu sawiin, Lunglei mipuite leh Lunglei khawthlang lam khua zawng zawngte thlawpna an ngen thu an sawi bawk.
