28 Jan 2024: Kolasib dist, Lungdai Power Deptt Office chu vawiin khan mipui thinrim kalkhawmten a bang leh thildang an tichhia.
Doordarshan palai hnen atanga thudawn danin, Kawnpui, Lungdai, Serkhan, Nisapui, Lungmuat khua ten Sentlang Power Transformer a chhiat avangin chawlh kar hnih chhung tui an Pump thei tawh lo va; hei vang hian nimin khan Lungdai leh a bul hnai mi thenkhat chu Sentlang Power Sub Station-ah kalin lungawilohna an lan tir. Vawiin vek khan Power Minister Pu F Rodingliana chuan Deptt hotute a hmunah tir nghalin, Kawnpui Sub Station atanga Power pe kual-in tui pump theih dan tur an ruahman nghal a ni.
Lungdai-ah hian SDO (Civil) Kawnpui leh SDPO Kolasib te an kal nghal a; mipui harsatna sutkian mek a nih dan te hrilhin lungawilohna lantir chhunzawm lo turin an ngen a ni. (DD)
