15 April 2024: Mizo Zirlai Pawl te’n vawiin khan MPSC hnathawk zawng zawng Pisa kai tur an dang.
MZP hruaitute chuan, MPSC chu hna pawimawh sang zawng zawng hna latu an ni a, MPSC combine exam hnuhnung ber result chhuah atanga ni 15 hnuah Exam Paper RTI hmangin document an dil chu an pek phalloh thu sawiin; a hnuah entir theih chauh an ni a ti. Tun tuma exam thenkhat paper-ah correcting fluid nasa taka hman leh mark thaichhiat a tam hle a, correcting fluid hman phal loh niin, exam dang neih tawhah hetiang hi a awm ngailo tih sawiin, kumin bikah hetiang anga thaichhiat leh mark pek that a tam hle tih MZP chuan an hmuh thu a sawi a, zirlaite rin ngama awm turin MPSC chu an phut thu a sawi.
MZP hruaitute chuan mawhphurhna latu ber MPSC Chairman hi bang tura an phut thu sawiin; Chairman thar ruat vat tura an duh thu MZP hruaitute chuan an sawi a ni. Hnalak diklo awmah hian Chairman chauh hian mawh a phur lova, Examination control leh thawktu dang Secretary-te pawh hi dik taka an kal theihna turin Departmental inquiry din an duh tih MZP President Pu H.Lalthianghlima chuan a sawi bawk a ni. (DD)
