MUHCS atan ADB-in loan pe chhuak tan

07 Nov 2026: Support for Mizoram Universal Health Coverage hnuaia Mizoram Universal Healthcare Scheme (MUHCS) kalpui zelna tura ADB atanga loan lak tur installment hmasa ber chu ADB chuan a release ta.

MUHCS atan loan la tur hian Disbursement Link Indicator (DLI) pahnih chu tihhlawhtlin tawh niin chumi avang chuan ADB chuan Ministry of Finance ah US$ 21.6 million chu October ni 29 khan a release a, Ministry of Finance chuan November ni 5 khan Mizoram account-ah rawn thunin India pawisain Rs.205.4858 cr a rawn pe chhuak ve nghal a. Heta tanga 10%,Rs.20.5486 cr chu loan angina a rawn pe a, 90%, Rs.184.9372 cr chu grant angina a rawn pe chhuak thung. He sum hi Healthcare Corpus fund atan dah tur a ni a, Finance Department-in Corpus fund-a dah turin hma a la nghal a ni.

Kuminah hian DLI pathum tal zawh (achieve) leh hman tum a ni a, Rs130 cr vel tal hnuh chhuah leh hman tum a ni dawn tih Finance Department hotuten an sawi a, tun thla tira Chandigarh-a Tripartite Review meeting neihah he mi chungchang hi Finance Department hotute hian Department of Economic Affairs leh ADB hotute hnenah an thlen nghal a ni. 

ADB loan la tur hian January ni 23, 2026 ah Agreement signed a ni a, ADB team te rawn intirin project effective date atan 1.4,2026 chu ruat a ni a. ADB loan pumpui hi US$108.00 million a ni ang. (DIPR)