CM hovin Sairang leh Hmawngbuchhuah inkara rel kawng kaltir tum dan thlir

27 Oct 2026: Vawiin khan Chief Minister Pu Lalduhoma chuan a office-ah Indian Railway  Chief Administrative Officer Pu Anjani Kumar Maurya leh a thawhpui Railway mi pawimawhte a kawm a. Sairang leh Hmawngbuchhuah inkara rel kawng kaltir an tum dan a thlirpui.

Chief Minister hian Mizorama Railway lamin hma an lakna lama a rawtnate an ngaihpawimawh thin avangin Railway Minister Pu Ashwini Vaishnaw chungah lawmthu a sawi a. He rel kawng kal tur hi mipuite tana a tangkai thei ang bera a kal theih nan rawtna hi kan nei thin a ni, a ti.

Railway hotute sawi danin Sairang – Hmawngbuchhuah inkar hi Km 230.110 a thui ni turin an rawn duang a, station hi 20 a awm ang a, rel hi darkar khata kilometer 130 a chaka tlan theihna turin an hisap a ni.
Station hming leh a paltlang ram hmingte chu a ram neitu khaw hming dik tak zel puttir turin Chief Minister hian a chah a, eng emaw han tihdanglam duh tlem azawng rawtna a nei bawk.

Chief Minister hi Lt. Col. Clement Lalhmingthanga, MLA, Pu Sudir Kumar, Principal Secretary, GAD, Pu Vanlaldina Fanai, Commissioner & Secretary to CM leh Er. Lalhriatpuia, Aizawl DC ten an tawiawm a ni.