24 May 2024: Vawiin khan YMA Sub Hqrs Conference Hall Lungleiah Lunglei District Co-operative Union Ltd Annual General Assembly vawi 27-na hman niin; Pu S.Lalremngheta District Co-operative Officer chuan khuallian niin a hmanpui.
He huna khuallian Pu S.Lalremngheta DCO, Lunglei chuan, Society din a Sawrkara inziaklut ringawt; sawrkar atanga tanpuina beiseia mahni a hmalak tum silo an tam tih Pu S.Lalremngheta chuan sawiin, sawrkar tana tanpui tlak tak tak Society kalpui tur leh Society member thalai zawkte phei chu nasa zawka tan la turin a ngen a ni.
Society ding ve si a, hmalakna hmuh tur awm silo te hi Nutling, Patling tih atana thil mawilo a ni ti bawkin, Sawrkarin a buaipui loh theihloh tura thawhchhuah mumal leh tam zawk nei tura Society-te’n tan lak a ngai a ni, a ti. Union hruaitute pawhin an hnuaiah Society-te hmasawnna tur an ngaihtuahpui a ngai a ni, a ti.
Lunglei Dist Co-operative Union Ltd hian kum 2023 chhung khan Pre Registration Training vawi 7 an buatsaih a, Education & awareness training Tlabung, Hnahthial leh Marpara South-ah te an buatsaih a, Study tour vawihnih nei bawkin heng bakah hian kum kalta a an hmalakna hrang hrangte Annual Assembly vawiina an hmanah hian Executive Officer Pu K.Malsawmdawngliana chuan a tarlang a, MIZOFED Chairman leh Mizoram Cooperative Apex Bank Vice Chairman te pawhin thu an sawi a ni.
LDCU Ltd Annual Assembly vawi 27-na hmannaah hian chawhnu lamah rorel inkhawm neih niin kum 2024 – 2025 atana Budget pharh chu pawm a ni a, Pre Registration Training LDCU By Law-a sengluh tih te an pawm a ni.
