01 May 2024: Vawiin khan Lunglei SP Pu J.Lalmuankima hovin Lunglei Police-te chuan DIET, Lunglei-ah Legal Awareness Programme an hmang.
He hun hi Addl SP Lunglei Pu Beimataosa in a kaihruai a, Lunglei SP Pu J.Lalmuankima chuan Cyber Crime leh Drugs Awareness thupui hmanga zirtirna pein, Internet lama inbumna nasa tak awm thin laka fimkhur tur leh harsatna an tawh pawha Police Cyber Crime te hrilh hriat vat a tul thu a sawi. Damdawi hman sual chung changah a ti tawh te chu sim tir an har thu sawiin a la ti ve lote’n an tih ve lohna tura theih tawp chhuah tlan a tul thu a sawi bawk.
S.I Lalchhanhimi, Lunglei PS-in POCSO thupui hmangin zirtirna a pe a, ASI Lalthabuanga Lunglei Traffic, in-charge in Traffic Awareness lam hawia thu sawiin, lirthei khalhtute hriattur hrang hrang leh nungchang mawi chung chang a zirtir bawk.
He hunah hian DIET Lunglei-a Principal leh staff bakah zirlai an vaiin mi 280 vel an tel a ni.
