Lungleia tui harsatna zual zel karah PHE Department Lunglei thawktute chuan tunhnai khan Lunglei khawpui chhunga tuikhur 92-te dinhmun an endik.
PHE Department hotute chuan heng tuikhur 92 an endik zingah hian a lawnga in tawp ngam khawpa thianghlim tuikhur a awm lo an ti a, hlauhawm lutuk erawh a ni lo an ti. Hetiang anih avang hian mipuite chu tuikhur tui ei leh in tur atan an hmang anih pawhin an taksa lamah harsatna a thlen loh nan chhuan so ngei in tura an duh thu an sawi.
Lunglei chawmtu Tlawng luia tui pump turin tlem lam a pan zel avangin PHED chuan Tui sem tur a nei tlem zela mipuite chu tui renchem tur leh ruahtui dahkhawlna lamah inhmakhua turin an ngen a ni.
