27 March 2024: MNF President Pu Zoramthanga’n ZPM in NDA atangin MNF chhuak se, Central-a tlaktlum nan NDA zawm an duh tih a sawi.
He thu hi nimina Lok Sabha inthlan lo awm tura Saitual District-a campaign naah sawiin Pu Zoramthanga chuan ZPM Leader Pu Lalduhoma’n inthlan hma in NDA-a tel turin Assam CM Himanta Biswa Sarma nen an inbe tawh a ti a, MLA inthlanah sum an ngah phah tiin BJP lakah an lo inhralh daih tawh a ti a, ZPM chuan NDA atangin MNF chhuak se, Central-a tlaktlum nana NDA zawm an duh tih a sawi.
Pu Zoramthanga chuan ZPM chu MNF angin NDA an do ngam dawn lo tih Myanmar nena ramri hung chungchangah a chiang hle a ti a, ZPM chuan NDA nupui nih an duh laiin an thei lo a, hmei nih an tum hram hram avangin MNF leh BJP an thawk ho tiin an bei zawk thin tih sawiin MNF chu a chhung atanga Mizo hnam tana NDA do nasa ber an ni a ti. (AIR)
